Facebook Page
www.facebook.com/thiloyarmay
Viber Community
https://bit.ly/33PKFZ9
Call Thiloyarmay
09894777262
Facebook Group
https://bit.ly/2KKaAtF
Email Thiloyarmay
[email protected]

လိင်အကြောင်း ပိုမိုရှာဖွေရန်

လိင်အကြမ်းဖက်မှု

လိင်ပိုင်းဆိုင်ရာကိုယ်ထိလက်ရောက်ကျူးလွန်မှုဆိုတာ မှုခင်းတစ်ခုဖြစ်ပြီး သဘောတူညီချက်မရရှိတဲ့ ဘယ်လိင်မှုကိစ္စမဆိုဆိုလိုခြင်းဖြစ်ပါတယ်။
မဖွယ်မရာ ကိုယ်ထိလက်ရောက်ကျူးလွန်တဲ့ မိမိနဲ့ လူကိုယ်တိုင်သိပြီးသားဖြစ်နိုင်သလို သူငယ်ချင်း ၊မိသားစုဝင်၊ လုပ်ဖော်ကိုင်ဖက်နဲ့ အိမ်နီးချင်းထဲကလည်း ဖြစ်နိုင်ပါတယ်။ အဲလို လိင်ပိုင်းဆိုင်ရာ ကိုယ်ထိလက်ရောက်စော်ကားခံရခြင်းဆိုတာ ဘယ်တော့မှ ခံရတဲ့သူရဲ့အပြစ်မဟုတ်ပါဘူး။

လိင်ပိုင်းဆိုင်ရာ ကိုယ်ထိလက်ရောက်ကျူးလွန်မှုမှာ မတူညီတဲ့အမျိုးအစားအများကြီးရှိပါတယ်။ ခန္ဓာကိုယ်ပိုင်းဆိုင်ရာထိတွေ့မှုမပါတဲ့ လိင်ပိုင်းဆိုင်ရာ မဖွယ်မရာ မကြာခဏ အကြိမ်ကြိမ်ထိခိုက်ပြောဆိုခြင်း၊ခြိမ်းခြောက်ခြင်းများ၊ ဝတ်လစ်စလစ်ဓါတ်ပုံများရိုက်ခြင်းများလည်း ပါဝင်ပါတယ်။ ခန္ဓာကိုယ်ချင်းထိတွေ့သည့် ကိုယ်ထိလက်ရောက်ကျူးလွန်မှုတွင် အလိုမတူထိတွေ့မှု ၊လိင်ပိုင်းဆိုင်ရာကိုယ်ထိလက်ရောက်ကျူးလွန်မှုနဲ့ အဓမ္မပြုကျင့်မှု၊ မုဒိမ်းမှုတို့ ပါဝင်ပါတယ်။

လိင်ပိုင်းဆိုင်ရာ ထိပါးနှောင့်ယှက်မှု ဆိုသည်မှာ နေ့စဉ်သုံးစကားအဖြစ်ဆိုလျှင် မုဒိမ်းကျင့်မှုနှင့် အခြားလိင်ပိုင်းဆိုင်ရာကိုယ်ထိလက်ရောက်ဖြစ်စေ၊ စကားပြောဆိုပြီးဖြစ်စေ ထိခိုက်စော်ကားခြင်းဟုဆိုနိုင်ပါသည်။ လိင်ပိုင်းဆိုင်ရာပြစ်မှုတွေအတွက်အဓိပါ္ပယ်ဖွင့်ဆိုချက်နဲ့အညွှန်းအမှတ်အသားကဥပဒေပေါ်မူတည်ပြီးနိုင်ငံတစ်နိုင်ငံနဲ့တစ်နိုင်ငံကွဲပြားနိုင်ပါတယ်။ ကိုယ်ထိလက်ရောက်ကျူးလွန်မှုဆိုတာ ကိုယ်ခန္ဓာကို တိုက်ရိုက်ထိခိုက်ပြီး အနာတရဖြစ်စေတာမျိုးကိုပဲ ဆိုလိုတာမဟုတ်ပဲ စိတ်ခံစားမှုကို ထိခိုက်ပျက်ယွင်းစေတဲ့ ဘယ်အပြုအမူမျိုးကို မဆို ခေါ်နိုင်ပါတယ်။ လိင်ပိုင်းဆိုင်ရာ ထိပါးနှောင့်ယှက်မှုမှာ သင်မလုပ်ချင်တဲ့အရာကိုလုပ်မိအောင်အတင်းဖိအားပေးတာမျိုး၊ ကြောက်ရွံ့လာအောင် ခြိမ်းခြောက်ပြီး လုပ်ခိုင်းတာမျိုးတွေပါဝင်ပါတယ်။

လူတွေက အခြားသူတွေအပေါ် ဘာကြောင့်လိင်ပိုင်းဆိုင်ရာအကြမ်းဖက်လာကြတာလဲ။

လိင်ပိုင်းဆိုင်ရာ ထိပါးနှောင့်ယှက်မှု ဆိုတာ လိင်ဆက်ဆံခြင်း (သို့မဟုတ်) နှောင့်ယှက်တိုက်ခိုက်မှုပြုလုပ်ရာမှ စိတ်ကျေနပ်မှုရရှိတာမဟုတ်ပဲ ခွန်အားသုံးပြီးသူတစ်ပါးကိုထိန်းချုပ်ချင်တဲ့ စိတ်ကြောင့်လည်း ပါဝင်ပါတယ်။ လိင်ပိုင်းဆိုင်ရာအကြမ်းဖက်တဲ့သူတွေက သူစိမ်းတွေတင်မကပဲ မိမိနှင့် ခင်မင်သော အသိမိတ်ဆွေထဲကလည်း ဖြစ်တတ်ပါတယ်။

လိင်ပိုင်းဆိုင်ရာကိုယ်ထိလက်ရောက်ကျူးလွန်မှုကလူတစ်ယောက်ကိုဘယ်လိုသက်ရောက်စေလဲ။

လူတိုင်းကလိင်ပိုင်းဆိုင်ရာကိုယ်ထိလက်ရောက်ကျူးလွန်မှုအမျိုးအစားတွေကိုကွဲပြားစွာတုံ့ပြန်ကြပါတယ်။တဦးချင်းစီကခန္ဓာကိုယ်ပိုင်းဆိုင်ရာ(သို့မဟုတ်)စိတ်ပိုင်းဆိုင်ရာချက်ချင်းအချိန်တိုတွင်း၊အချိန်ကြာကြာသက်ရောက်မှုတွေတွေ့ကြုံခံစားရပါတယ်။ပါဝင်တဲ့အရာတွေကတော့

တုန်လှုပ်ချောက်ချားခြင်း(သို့မဟုတ်)ငြင်းပယ်မှု-လိင်ပိုင်းဆိုင်ရာကိုယ်ထိလက်ရောက်ကျူးလွန်ခံရသူတွေဟာသူတို့တကယ်ဖြစ်ခဲ့တယ်ဆိုတာလက်မခံကြပါဘူး။

ကြောက်ရွံခြင်း-လိင်ပိုင်းဆိုင်ရာကိုယ်ထိလက်ရောက်ကျူးလွန်မှုဖြစ်ပြီးနောက်ပြစ်မှုကျူးလွန်သူနဲ့အခြားသူတွေကိုကြောက်ရွံလာတာမျိုး၊တယောက်တည်းနေချင်တာမျိုးတွေဖြစ်လာပါတယ်။ပြစ်မှုရဲ့ဆေးဝါး၊ဥပဒေနဲ့လူမှုပိုင်းဆိုင်ရာအကျိုးဆက်တွေနဲ့တွေ့ကြုံရတာကြောက်ရွံလာပြီးလိင်ပိုင်းဆိုင်ရာကိုယ်ထိလက်ရောက်ကျူးလွန်မှုကြောင့်ချစ်ခင်ရသူတွေရဲ့ငြင်းပယ်မှုခံရမှာကိုလည်းကြောက်ရွံလာကြပါတယ်။

စိုးရိမ်ပူပန်ခြင်း-အသက်ရှင်သန်ကျန်ရစ်သူကအဆုံးစွန်ရောက်နေပြီးသက်သက်သာသာနဲ့ဘေးကင်းစိတ်ချစွာမနေရပါ။

အပြစ်တင်မှုနဲ့ပြစ်တင်ခံရခြင်း-ရှင်သန်ကျန်ရစ်သူကအကြမ်းဖက်မှုဖြစ်စေတဲ့အကြောင်းရင်းတွေကိုအဆက်မပြတ်မေးခွန်းတွေထုတ်ပြီးကိုယ်ထိလက်ရောက်ကျူးလွန်ခံရမှုအတွက်သူကိုယ်တိုင်(သို့မဟုတ်)အခြားသူတွေကိုအပြစ်လိုက်ရှာကြပါတယ်။

မိမိကိုယ်ကိုတန်ဖိုးထားယုံကြည်မှုလျော့နည်းလာခြင်း-လိင်ပိုင်းဆိုင်ရာကိုယ်ထိလက်ရောက်ကျူးလွန်မှုပြီးတဲ့နောက်ရှင်သန်ကျန်ရစ်သူကအရှက်ရပြီးမိမိကိုယ်ဘဝသန့်ရှင်းမှုမရှိပဲညစ်ပေစွန်းထင်းသွားတယ်လို့ထင်ကြတယ်။

အိပ်မက်ဆိုးနဲ့နောက်ကြောင်းအတိတ်ပုံရိပ်-အကြမ်းဖက်မှုရဲ့ပုံရိပ်နဲ့မှတ်ဉာဏ်တွေဟာကျန်ရစ်သူရဲ့နေ့စဉ်ဘဝနဲ့အိပ်စက်ခြင်းမှာဆက်လက်နှောင့်ယှက်စေတယ်။

ယုံကြည်မှုဆုံးရှုံးခြင်း-လိင်ပိုင်းဆိုင်ရာကိုယ်ထိလက်ရောက်ကျူးလွန်ခံရမှုပြီးဆုံးပြီးနောက်သူငယ်ချင်းနဲ့မိသားစုဝင်အပါအဝင်အဖြစ်အပျက်နဲ့မသက်ဆိုင်တဲ့သူတွေကိုတောင်မှယုံကြည်ဖို့ခဲယဉ်းလာကြပါတယ်။

လိင်ပိုင်းဆိုင်ရာ ကိုယ်ထိလက်ရောက်ကျူး လွန်မှု အများစုက ဆက်ဆံရေး တခုမှာ ရင်းနှီးတဲ့ အဖော်၊ မိသားစုဝင်နဲ့ သိတဲ့သူ တယောက် ယောက်ကြားထဲမှာ ဖြစ်ပေါ်ပါတယ်။ အသေးစား လိင်ပိုင်းဆိုင်ရာ ကိုယ်ထိ လက်ရောက်ကျူး လွန်မှုက သူစိမ်းတွေကြား မှာဖြစ်ပေါ်ပါ တယ်။ ကိုယ်ခန္ဓာပိုင်းဆိုင်ရာ တိုက်ခိုက်မ ခံရရင်တောင်မှ လိင်ပိုင်းဆိုင်ရာ ကိုယ်ထိလက်ရောက်ကျူး လွန်မှုဖြစ်ပေါ်နိုင်ပါ တယ်။လိင်ပိုင်း ဆိုင်ရာ အကျပ်ကိုင်မှုဆို တာတစုံ တယောက်ကို ကာယပိုင်း မဟုတ်တဲ့ နည်းလမ်းနဲ့ အတင်းအကျပ်ဖိ အားပေးတဲ့ မလိုချင်တဲ့ လိင်မှုရေးရာ ကိစ္စဖြစ်ပါတယ်။

ဘယ်သူမဆို အကျပ်ကိုင်မှု ကိုသုံးနိုင်ပါတယ်။ ဥပမာ-ယောကျ်ား၊ လက်တွဲဖော်၊ ချစ်သူကောင်လေး၊ သူငယ်ချင်း၊ လုပ်ဖော်ကိုင်ဖက်၊ အလုပ်ရှင်သူ ဌေးနဲ့တွဲ နေတဲ့ရည်းစား

အတင်းအကျပ်လိင်ပိုင်းဆိုင်ရာ ကိုယ်ထိ လက်ရောက်ကျူးလွန်တာက တခါတရံ သတိထားမိဖို့ ခက်ခဲပါတယ်။ တစ်ယောက်ယောက်က သင့်ကိုထပ်ခါ တလဲလဲ လိင်ဆက်ဆံဖို့တောင်းဆိုခြင်း ဖြင့်သင့်ကို မှေးမှိန်ပျက်စီးလာ အောင်လုပ်ပြီး သင့်ကို အပြစ်ရှိသလိုမျိုး ခံစားရအောင် လုပ်ပါတယ်။ (မင်းငါ့ကို တကယ်ချစ် ရင်မင်းလုပ်ရမယ်) (မင်းငါ့ကို ဘာလုပ်လိုက်တယ်ဆိုတာ မင်းမသိပါဘူး) ဆိုပြီး သူတို့ ပြောကြပါတယ်။ နိုးလို့ပြောဖို့ အရမ်း နောက်ကျသွားတာမျိုး (ယောကျ်ား တယောက်ကို ရပ်တန့်အောင် မလုပ်နိုင်ဘူး) ဆိုပြီး ပြောဆို ကြတယ်။ လိင်မဆက်ဆံရင် နှစ်ဦးဆက်ဆံရေးကို ထိခိုက်စေသလို လုပ်ပြီး မင်းငါနဲ့လိင်မဆက်ဆံရင်ငါ မင်းနဲ့ လမ်းခွဲမယ်ဆို ပြီးပြောဆိုလာ ပါတယ်။

ကတိစကားတွေ ပေးပြောပြီး မင်းအတွက်ငါ ထိုက်တန်အောင် လုပ်ပေးမယ်၊ ငါ့မှာ အဆက်အသွယ်တွေ အများကြီး ရှိပါတယ်။ ငါတကယ်ပဲ မင်းအလုပ်ကို လေးစားပါတယ်။ တခုခုပြောင်းလဲဖို့ ငါမုန်းတယ်၊၊၊ မင်းငါနဲ့ဒီလို မလုပ်ရင် မင်းရဲ့ သားသမီးတွေကို ဒီလိုလုပ်မှာ ဆိုပြီး သူတို့က သင့်ကလေးတွေ၊ မိသားစု၊ အလုပ်၊ အိမ်၊ ကျောင်း တွေနဲ့ခြိမ်းခြောက်လာ ပါတယ်။

လိင်ပိုင်းဆိုင်ရာ အကျပ်ကိုင်ခံ သင့်အပြစ်မ ဟုတ်ပါဘူး။ သင်မလုပ်ချင်တဲ့ အရာတခုကို လုပ်ဖို့ ဖိအားပေးခံရတဲ့အခါ ဖွင့်ပြောတာ (သို့မဟုတ်) အခြေအနေကို ထားခဲ့လိုက်ပါ။ သင်အဆင်သင့် မဖြစ်သေးတဲ့အရာ၊ သင်လုပ်ချင်စိတ်မရှိတဲ့ အရာတခုကို လုပ်ဆောင်တာ ထက်ဆက်ဆံရေးပြီး ဆုံးလိုက်တာမျိုး၊ တစုံတယောက်ရဲ့ ခံစားချက်ကို နာကျင်အောင် လုပ်လိုက်တာမျိုးက ပိုကောင်းပါတယ်။

ဖြစ်နိုင်တဲ့ တုံ့ပြန်မှုအချို့မှာ

  • ကျွန်မရှင့်ကို တကယ်သဘော ကျနှစ်သက်ပါ တယ်။ ဒါပေမဲ့ကျွန်မ လိင်ဆက်ဆံဖို့ အဆင်သင့် မဖြစ်သေးဘူး။
  • ရှင်ကျွန်မကို တကယ်ဂရုစိုက်ရင် ကျွန်မ လိင်မဆက်ဆံချင်တာကို ရှင်လည်း တန်ဖိုးထား လေးစားမှာပါ။
  • ကျွန်မရှင့်ကို ဘာမှဖြေရှင်းချက် မပေးပါဘူး။
  • သင့်ကို အကျပ်ကိုင်နေတဲ့ သူနဲ့ ရှင်းရှင်းလင်းလင်း တိတိကျကျလုပ်ပါ။ သင်ဘယ်လို ခံစားရလဲ၊ သင်ဘာ မလုပ်ချင်လဲဆိုတာ သူ့ကိုရှင်းရှင်းလင်းလင်း ပြောပြပါ။ အခြားလူက နားမထောင်ရင် အခြေအနေကို ထားခဲ့လိုက်ပါ။
  • သင်နဲ့သင့်မိသားစု ခန္ဓာကိုယ်ပိုင်းဆိုင်ရာ အန္တရာယ်ရှိရင် အဲဒီ့လူနဲ့ဖြစ်နိုင်သမျှ အမြန်ဆုံး ထွက်ပြေးဖို့ ကြိုးစားပါ။

Source: http://www.womenshealth.gov/publications/our-publications/fact-sheet/sexual-assault.html
http://us.reachout.com/facts/factsheet/sexual-violence

လိင်ပိုင်းဆိုင်ရာကိုယ်ထိလက်ရောက်ကျူးလွန်မှုကိုသင်အမြဲတမ်းမကာကွယ်နိုင်ပါဘူး။သင်ကလိင်ပိုင်းဆိုင်ရာကိုယ်ထိလက်ရောက်လုပ်တာခံလိုက်ရရင်ဘေးကင်းစိတ်ချမှုမရှိတဲ့အခြေအနေမှာရှိနေရင်သင့်အမှားမဟုတ်ပါဘူး။ဒါပေမဲ့ယေဘုယျအားဖြင့်ဘေးကင်းစိတ်ချအောင်နေထိုင်ဖို့အဆင့်လေးတွေကိုလိုက်နာလုပ်ဆောင်နိုင်ပါတယ်။

  • အုပ်စုအဖွဲ့နဲ့အပြင်ထွက်ဖို့စီစဉ်ပါ။
  • သင်စိတ်ချရတဲ့သူနဲ့အပြင်ထွက်ပါ။သူငယ်ချင်းကောင်းတွေကသူတို့သူငယ်ချင်းဘေးကင်းစိတ်ချပြီးစိတ်ချရတဲ့ရွေးချယ်မှုတွေကိုလုပ်ဆောင်ပေးပါတယ်။
  • သင့်မိဘ၊မောင်နှမသားချင်း၊အခန်းဖော်တွေကိုသင်ဘယ်နေရာသွားမယ်၊ဘယ်အချိန်အိမ်ပြန်ရောက်မလဲဆိုတာပြောထားပါ။သင့်အစီအစဉ်ပြောင်းသွားရင်အသိပေးထားပါ။
  • အရက်သောက်တဲ့အခါမှာသင့်ရဲ့အကန့်အသတ်ကိုသိပါ။သင်သောက်ချင်တာထက်ပိုပြီးတစုံတယောက်ကသင့်ကိုအတင်းအကျပ်သောက်ခိုင်းတာမျိုးမလုပ်ပါနဲ့။
  • သင့်ရဲ့ဗီဇစရိုက်ကိုယုံကြည်ပါ။သင်မသိတဲ့သူ၊မယုံရတဲ့သူနဲ့တယောက်တည်းရှိနေရင်ထားခဲ့လိုက်ပါ။ဘယ်လိုအခြေအနေမျိုး၊ဘာအကြောင်းရင်းနဲ့မဆိုသင်သက်သက်သာသာမဖြစ်ဘူးဆိုရင်ထားခဲ့လိုက်ပါ။
  • သင့်ပတ်ဝန်းကျင်ကိုသတိပြုပါ။အထူးသဖြင့်တယောက်တည်းလမ်းလျှောက်တဲ့အခါဖုန်းပြောတာ၊နားကြပ်နဲ့သီချင်းနားထောင်တာမျိုးရှောင်ကြဉ်ပါ။အထူးသဖြင့်ညဘက်လူများပြီးအလင်းရောင်ကောင်းကောင်းရတဲ့နေရာမှာနေပါ။
  • သင့်ကိုအတင်းအကျပ်လုပ်ခိုင်းတဲ့သူနဲ့တွဲနေရင်ဒီဆက်ဆံရေးကသင့်အတွက်မှန်လားဆိုတာသင်ကိုယ်တိုင်မေးကြည့်ပါ။

Source: http://www.womenshealth.gov/publications/our-publications/fact-sheet/sexual-assault.html
http://us.reachout.com/facts/factsheet/sexual-violence

လိင်ပိုင်းဆိုင်ရာ ကိုယ်ထိလက်ရောက်စော်ကားခံရတဲ့ သူငယ်ချင်းတွေ၊ မိသားစုဝင်တွေကို နားထောင်ပေး
တာတွေ၊ မဝေဖန်ပဲနဲ့ စိတ်သက်သက်သာသာပြောခွင့်ပေးတာတွေလုပ်ပေးခြင်းနဲ့ ကူညီလို့ရပါတယ်။ သူ ဒါမှမဟုတ် သူမ မမှားဘူးဆိုတာကို ထောက်ခံပေးရမယ်၊ ဒါက စိတ်တိုတာတွေ၊ စိတ်ရှုပ်ထွေးတာတွေ၊ ရှက်ကြောက်ခြင်းတွေစတဲ့ ခံစားမှုပေါင်းဆုံကိုဖြစ်စေတယ်လေ။

ကိုယ်ထိလက်ရောက်ကျူးလွန်ခံနေရသူ သို့မဟုတ် ခံခဲ့ရသူတို့ကို ကူညီရန်နည်းလမ်း

သင့်သူငယ်ချင်းရဲ့ လုံခြုံရေးနဲ့ပက်သက်ပြီး သင်စိတ်ပူ၊ စိုးရိမ်တာတွေကို သင့်သူငယ်ချင်းသိပါစေ။ ရိုးသား
လိုက်ပါ။ သူမနဲ့ ပက်သက်ပြီး စိတ်ပူရတာ ဘယ်နှစ်ကြိမ်လောက်ရှိပြီဆိုတာကို ပြောလိုက်ပါ။ သင်ကူညီချင်
တယ်ဆိုတာကို သူမအားအသိပေးလိုက်ပါ။

စိတ်ရှည်ပါစေ။ သင့်သူငယ်ချင်းပြောတာကိုနားထောင်ပါ။ လိင်ပိုင်းဆိုင်ရာစော်ကားခံရမှုတွေနဲ့ပက်သက်ပြီး
ပြောပြဖို့က သူတို့အတွက် အရမ်းခက်ခဲနိုင်တယ်ဆိုတာကို သင့်စိတ်ထဲမှာရှိနေပါစေ။

သူငယ်ချင်းနဲ့ပက်သက်ပြီး ရှက်တာတို့၊ အပြစ်မြင်တာ (သို့မဟုတ်) အပြစ်မြင်တာတွေမရှိပါစေနဲ့။ “မင်းကိုယ်
တိုင်ကိုက အပြင်မထွက်ဘဲနေရမှာ” လို့မပြောဘဲ “ငါမင်းကိုယုံပါတယ်၊ ဒါမင်းအမှားမဟုတ်ပါဘူး” လို့ပဲပြော
ပါ။ ယခုအချိန်က သူမအတွက် အရမ်းခက်ခဲတယ်ဆိုတာ သင်နားလည်ကြောင်း သူမကိုပြောပါ။

သင့်သူငယ်ချင်းက အခုလိုမျိုး အကြမ်းဖက်တတ်တဲ့ ဆက်နွယ်မှုတွေထဲမှာပဲ ဆက်ရှိဖို့ ဆုံးဖြတ်လိုက်ရင် တောင်၊ အကောင်းမြင်စိတ်နဲ့ ဆက်လက်ကူညီပေးပါ။ သင့်သူငယ်ချင်းက ထိုကဲ့သို့ ဆက်နွယ်မှုတွေထဲမှာပဲ
ဆက်ရှိဖို့ဆုံးဖြတ်ကောင်းဆုံးဖြတ်နိုင်တယ်လေ၊ ဒါမှမဟုတ် ဆက်နွယ်မှုကို စွန့်ပြီး၊ ကောင်းတဲ့နေရာကိုလည်း
ပြန်သွားနိုင်တာပဲလေ။ လူတွေက အကြမ်းဖက်တတ်တဲ့နေရာတွေမှာ ဆက်လက်နေထိုင်ခြင်းက အကြောင်းပြ
ချက် တစ်ခုခုကြောင့်ပါ၊ ဒါကသင့်အတွက် နားလည်ပေးဖို့ ခက်ခဲကောင်း ခက်ခဲနိုင်ပါတယ်။ သင့်သူငယ်ချင်း
ဘယ်လိုပဲ ဆုံးဖြတ်ဆုံးဖြတ်၊ အကောင်းမြင်ပေးပြီး ဆက်လက်ကူညီပေးပါး။

Source: http://www.womenshealth.gov/violence-against-women/get-help-for-violence/how-to-help-a-friend-who-is-being-abused.html

http://www.womenshealth.gov/publications/our-publications/fact-sheet/sexual-assault.html

Ask your question

Do you know the secret to great sex? Being and staying curious. Dr Deep and our team love to answer your questions.

Ask anonymously Open Facebook Messenger