fbpx

နက်နက်ရှိုင်းရှိုင်းလေ့လာမယ်

နက်နက်ရှိုင်းရှိုင်းလေ့လာမယ် မလာစေချင်တဲ့ ဘီလူး (၈) ကောင် ; လိင်အင်္ဂါပိုးဝင်ခြင်း

သိလိုရာမေးကနေ လတိုင်းတင်ဆက်ပေးနေကြဖြစ်တဲ့ လိင်ဆက်ဆံခြင်းမှတဆင့် ကူးစက်တတ်တဲ့ ဘီလူး (၈) ကောင်ထဲက နောက်ဆုံးဘီလူးကတော့ Protozoan Viginalis လို့ခေါ်တဲ့ ကပ်ပါးကောင်ကြောင့်ဖြစ်တဲ့ လိင်အင်္ဂါပိုးဝင်တာပဲဖြစ်ပါတယ်။

အတွေ့များတဲ့ လိင်ကူးစက်ရောဂါတစ်မျိုးဖြစ်ပြီး ကုသလို့ ပျောက်ကင်းနိုင်ပါတယ်။ အမျိုးသားတွေထက် အမျိုးသမီးတွေမှာ အဖြစ်များတဲ့ ရောဂါဖြစ်တာကြောင့် ရောဂါလက္ခဏာတွေက အမျိုးသမီးတွေမှာသာ တွေ့ရပြီး အမျိုးသားတွေမှာတော့ ကူးစက်ခံရပြီးတဲ့နောက်ပိုင်းမှာ ရောဂါလက္ခဏာမပြဘဲ နေတတ်ပါတယ်။

ဘယ်လို ကူးစက်ခံရနိုင်လဲ?

STIs ဆိုတဲ့အတိုင်း အများစုကတော့ လိင်ဆက်ဆံတဲ့အခါမှာ ရောဂါပိုးရှိသူရဲ့ အရေပြားကို ထိတွေ့မိတာကနေ ကူးစက်နိုင်ပါတယ်။ အမျိုးသမီးတွေမှာဆို မိန်းမကိုယ်၊ သားအိမ် နဲ့ ဆီးလမ်းကြောင်းတွေကို အများဆုံးကူးစက်မှုခံရနိုင်ပြီး အမျိုးသားတွေမှာဆိုရင်တော့ လိင်တံရဲ့ အတွင်းပိုင်းမှာ ရှိတဲ့ ဆီးလမ်းကြောင်းကို တိုက်ရိုက်ကူးစက်နိုင်ပါတယ်…

ရောဂါလက္ခဏာများ

ရောဂါလက္ခဏာတွေအနေနဲ့ကတော့ အမျိုးသားရော အမျိုးသမီးပါ ဆီးသွားတဲ့အခါ လိင်အင်္ဂါကနေ နာကျင်မယ်၊ ဆီးပူမယ်၊ ဆီးကျင် ဆီးအောင့်ဖြစ်မယ်၊ အမျိုးသားတွေမှာဆိုရင် လိင်တံကနေ သွေးနဲ့ မူမမှန်တဲ့ အရည်တွေ ထွက်လာမယ်၊ အမျိုးသမီးတွေမှာဆိုရင်တော့ မိန်းမကိုယ်ကနေ အရောင်နဲ့ အနံ့ဆိုးပြီး မူမမှန်တဲ့ အဖြူဆင်းတာမျိုးတွေ ရှိနိုင်ပါတယ်။

ကာကွယ်မှုနဲ့ ကုသမှုနည်းလမ်းများ

ဒီလိုမျိုး လိင်ကနေတဆင့်ကူးစက်တတ်တဲ့ ရောဂါတွေကို ကာကွယ်နိုင်ဖို့ဆိုရင် လိင်ဆက်ဆံတိုင်း ကွန်ဒုံးလိုမျိုး အကာအကွယ်နဲ့ ဆက်ဆံသင့်ပါတယ်။ လိင်ဆက်ဆံဖော်အများကြီးရှိသူဆိုရင် ရောဂါကူးစက်နိုင်ရချေများတဲ့အတွက် ကိုယ်နဲ့ အချိန်အတိုင်းအတာတစ်ခုထိ ဆက်ဆံနေသူနဲ့သာ အတူနေနိုင်ရင်တော့ အကောင်းဆုံးပါပဲ။

ကုသမှုနည်းလမ်းအနေနဲ့ကတော့ ရောဂါအခြေအနေပေါ်မူတည်ပြီး ပိုးသတ်ဆေး နဲ့ ပဋိဇီဝဆေး တွေကို ဆရာဝန်ရဲ့ ညွှန်ကြားချက်နဲ့တကွ သောက်ရင်တော့ ပျောက်ကင်းနိုင်ပါတယ်။ ဒါပေမယ့် ရောဂါပိုး တစ်ခါကူးစက်ခံရဖူးသူအနေနဲ့ ထပ်မံကူးစက်နိုင်ရချေများတဲ့အတွက် ပျောက်ကင်းသွားသည့်တိုင်အောင် ရောဂါပိုးရှိ မရှိ စစ်ဆေးမှုတွေ ပြုလုပ်သင့်ပါတယ်။

Facebook Comments
Public Comments

Sex topics

searchဆက်လက်ရှာဖွေမည်

မေးခွန်းမေးရန်

သာယာမှုအထွတ်အထိပ် လိင်ဆက်ဆံခြင်းရဲ့ သော့ချက်တွေကဘာလဲ? သင့်ရဲ့စူးစမ်းရှာဖွေလိုမှုတွေကိုဖြေဆိုဖို့ ဒေါက်တာဒိနဲ့ ကျွန်မတို့အဖွဲ့က ဖြေဆိုဖို့ အသင့်ရှိပါတယ်

အမည်မဖော်ပဲမေးရန် ဖေ့ဘုတ်ပေ့ချ်တွင်မေးရန်

ထုတ်ကုန်များ

© ၂၀၁၈ ဒီကေတီ မှ မူပိုင်ခွင့်များရယူပြီးဖြစ်သည်။ သိလိုရာမေးသည် သတင်းအချက်အလက်နှင့် ပညာပေးစာမျက်နှာသက်သက်ဖြစ်ပြီး ဆေးဝါးနှင့်ကုသမှုဆိုင်ရာ ညွှန်းဆိုခြင်းများ မပြုပါ။