fbpx

ထွေလာဆန်းပြား လိင်ဆောင်းပါး

ထွေလာဆန်းပြား လိင်ဆောင်းပါး အမျိုးသားနှင့် သားအိမ်ခေါင်းကင်ဆာ

သားအိမ်ခေါင်းကင်ဆာဆိုတာက အမျိုးသမီးတို့ရဲ့ သားအိမ်အောက်ဘက်အဝနှင့် မိန်းမကိုယ်အဆက် နေရာမှာရှိတဲ့ ဆဲလ်တွေမှာ ဖြစ်တဲ့ကင်ဆာဖြစ်ပါတယ်။

အမျိုးသမီးတို့မှာ ဖြစ်တဲ့ကင်ဆာမို့ ယောက်ျားလေးတွေနဲ့ လုံးဝပတ်သက်ဆက်စပ်မှု မရှိဘူးလို့ မထင်လိုက်ပါနဲ့။ ကိုယ့်ကြောင့် ကိုယ်ချစ်ရသူလေးဟာ သားအိမ်ခေါင်းကင်ဆာဖြစ်သွားနိုင်ပါတယ်။

 

သားအိမ်ခေါင်းကင်ဆာကို ဖြစ်စေတဲ့ အဓိကအကြောင်းရင်းက Human Papilloma Virus (HPV) အမည်ရ ကြွက်နို့ဖြစ်စေတဲ့ ဗိုင်းရပ်စ်ပိုးကြောင့်ပါ။ HPV ဗိုင်းရပ်စ်မျိုးကွဲပေါင်း ၁၀၀ကျော်ရှိတဲ့အထဲက အနည်းဆုံး ၁၃ မျိုးလောက်က ကင်ဆာဖြစ်စေပါတယ်။ ဗိုင်းရပ်စ်ကူးစက်ပုံက လိင်ဆက်ဆံခြင်းကတစ်ဆင့် အဓိက ကူးစက်တတ်ပြီး လိင်အရေပြားချင်းထိရုံနဲ့လည်း ကူးနိုင်တာကို သတိထားရပါမယ်။ ဒါဆိုရင် အကာအကွယ်မပါတဲ့ လိင်ဆက်ဆံခြင်းကနေ ကိုယ့်ဆီပါလာပြီး ကိုယ်နဲ့ အတူနေချစ်သူ (သို့) အိမ်ထောင်ဘက်ကို သားအိမ်ခေါင်းကင်ဆာ ဖြန့်ဝေမိမှာကို သတိထားသင့်ပါပြီ။ ဒါကြောင့်မို့ အပျော်အပါးကြောင့်ပဲဖြစ်စေ၊ စိတ်မှောက်မှားလို့ပဲဖြစ်စေ၊ ဆက်ဆံနေကျသူမဟုတ်ရင် လိင်ဆက်ဆံတဲ့အခါတိုင်း ကွန်ဒုံးကို မဖြစ်မနေ အသုံးပြုနိုင်ပါတယ်။ Kiss, Mojo နဲ့ သင့်တော်တဲ့ အမျိုးအစား ကွန်ဒုံးတွေကို ဝယ်သူအသုံးပြုနိုင်ပါတယ်။

 

အထက်ပါအချက်ဖြစ်တဲ့ Carrier ကိစ္စအပြင် အမျိုးသားတွေမှာ HPV က ကင်ဆာအချို့ကို ဖြစ်စေနိုင်တဲ့ အကြောင်း ဆက်လက်တင်ပြသွားပါ့မယ်။ ကမ္ဘာ့အင်အားကြီးနိုင်ငံဖြစ်တဲ့ အမေရိကန်ပြည်ထောင်စုမှာ နှစ်စဉ်အမျိုးသား ၁၂,၀၀၀ ကျော်ဟာ HPV က ဖြစ်တဲ့ ကင်ဆာတွေဖြစ်ပွားလျက်ရှိပါတယ်။ HPV နဲ့သက်ဆိုင်ပြီး အမျိုးသားတွေဖြစ်တဲ့ အဖြစ်အများဆုံး ကင်ဆာက အသံအိုး (လည်ချောင်း) ကင်ဆာဖြစ်ပြီး စအို၊ အူမကြီး၊ ပါးစပ်နှင့် ဝှေးစေ့တို့မှာလည်း ကင်ဆာများ ဖြစ်နိုင်ပါတယ်။ သားအိမ်ခေါင်းကင်ဆာနဲ့ မတူတာကတော့ ထိုကင်ဆာရောဂါတွေအတွက် စစ်ဆေးမှုမရှိပါဘူးဆိုတဲ့အချက်ပါ။ ဆိုလိုတာကတော့ ကုသဖို့ခက်ခဲတဲ့ နောက်ပိုင်းအဆင့်တွေရောက်မှ သိရှိနိုင်ပါတယ်။ ပြီးတော့ လိင်အင်္ဂါမှာ ကြွက်နို့တွေဖြစ်စေတာကလည်း အမျိုးသားတို့အဖို့ HPV ကပေးတဲ့ စိတ်ညစ်ရတဲ့ကိစ္စပါ။ ငယ်ရွယ်စဉ်အခါမှာ ဆေးထိုးလျှင် HPV ရောဂါအချို့ကို တားဆီးနိုင်တာမျိုးနဲ့တော့ ကာကွယ်နိုင်ပါတယ်။

 

ဒီတော့ သားအိမ်ခေါင်းကင်ဆာက ပုရိသအမျိုးသားတို့မှာလည်း ဆက်စပ်ပတ်သက်မှုရှိတာကို နားလည်နိုင်မှာဖြစ်ပြီး တစ်ခါတစ်ရံ အပျော်လိင်ကိစ္စအတွက် ကွန်ဒုံးကို မဖြစ်မနေ သုံးသင့်ကြောင်း ကျန်းမာရေးကို အကျိုးမျှော်၍ နှိုးဆော်လိုက်ရပါတယ် ညီအစ်ကိုတို့ရေ ….

Facebook Comments
Public Comments

Sex topics

searchဆက်လက်ရှာဖွေမည်

မေးခွန်းမေးရန်

သာယာမှုအထွတ်အထိပ် လိင်ဆက်ဆံခြင်းရဲ့ သော့ချက်တွေကဘာလဲ? သင့်ရဲ့စူးစမ်းရှာဖွေလိုမှုတွေကိုဖြေဆိုဖို့ ဒေါက်တာဒိနဲ့ ကျွန်မတို့အဖွဲ့က ဖြေဆိုဖို့ အသင့်ရှိပါတယ်

အမည်မဖော်ပဲမေးရန် ဖေ့ဘုတ်ပေ့ချ်တွင်မေးရန်

ထုတ်ကုန်များ

© ၂၀၁၈ ဒီကေတီ မှ မူပိုင်ခွင့်များရယူပြီးဖြစ်သည်။ သိလိုရာမေးသည် သတင်းအချက်အလက်နှင့် ပညာပေးစာမျက်နှာသက်သက်ဖြစ်ပြီး ဆေးဝါးနှင့်ကုသမှုဆိုင်ရာ ညွှန်းဆိုခြင်းများ မပြုပါ။