Facebook Page x
www.facebook.com/thiloyarmay
Viber Community x
https://bit.ly/33PKFZ9
Call Thiloyarmay x
09894777262
Facebook Group x
https://bit.ly/2KKaAtF
Email Thiloyarmay x
[email protected]

နက်နက်ရှိုင်းရှိုင်းလေ့လာမယ်

နက်နက်ရှိုင်းရှိုင်းလေ့လာမယ် အထိရောက်ဆုံး ကိုယ်ဝန်တားနည်း (၃)နည်း

ဒဂျိဒဂျိ လုပ်ချင်တယ် ဒါပေမယ့် ကိုယ်ဝန်မရချင်ဘူး၊ ကလေးမယူချင်သေးဘူးဆို ဘယ်ကိုယ်ဝန်တားနည်းကို သုံးသင့်လဲ ဆိုတာ စဉ်းစားမိကြမှာပါ။ ကိုယ်ဝန်တားနည်း (၃)နည်း ရှိပါတယ်။

ဒဂျိဒဂျိ လုပ်ချင်တယ် ဒါပေမယ့် ကိုယ်ဝန်မရချင်ဘူး၊ ကလေးမယူချင်သေးဘူးဆို ဘယ်ကိုယ်ဝန်တားနည်းကို သုံးသင့်လဲ ဆိုတာ စဉ်းစားမိကြမှာပါ။ ကိုယ်ဝန်တားနည်း (၃)နည်း ရှိပါတယ်။ မလိုအပ်သေးဘဲ ကိုယ်ဝန်မရချင်ဘူး ဆိုရင်တော့ ဒီနည်းတွေကို စနစ်တကျ အသုံးပြုဖို့ လိုပါလိမ့်မယ်။ အောက်မှာ ဆက်လက်လေ့လာ ကြည့်ကြရအောင်…

(၁) တစ်ခါသုံးကိုယ်ဝန်တားနည်း
ကွန်ဒုံး – ကွန်ဒုံးကို ကိုယ်ဝန်မရအောင်၊ လိင်မှတစ်ဆင့် ကူးစက်နိုင်တဲ့ ရောဂါတွေ မဖြစ်အောင် အသုံးပြုနိုင်ပြီး စနစ်တကျအသုံးပြုမယ်ဆိုရင် ၉၈%အထိ ကာကွယ်ပေးနိုင်ပါတယ်။ ဒါ့အပြင် နှစ်သက်ရာ အရောင်၊ အနံ့ နဲ့ အဖုလေးတွေပါတဲ့ ဆန်းဆန်းပြားပြားပုံစံတွေနဲ့ အမျိုးအစားတွေကို ရွေးချယ်နိုင်တယ်ဆိုတာလည်း ကွန်ဒုံးရဲ့ အားသာချက်ပါ။

Lydia One safe Pill – One Safe Pill ကို အကာအကွယ်မဲ့ လိင်ဆက်ဆံပြီး ၇၂ နာရီအတွင်း သောက်သုံးတယ်ဆိုရင် ၈၉% အကျိုးသက်ရောက်မှု ရှိပါတယ်။ ဒီဆေးကို တကယ်အရေးပေါ်ဖြစ်တဲ့ အခြေအနေ ဥပမာ -မုဒိန်းကျင့်ခံရတဲ့ အခါမျိုးမှသာ သောက်သုံးဖို့ ရည်ရွယ်ထုတ်လုပ်ထားတာဖြစ်ပြီး မကြာခဏသုံးစွဲပါက ဆေးအာနိသင်ပမာဏ တဖြည်းဖြည်း လျော့နည်းလာတတ်ပါတယ်။

(၂) ရေတို ကိုယ်ဝန်တားနည်း
Andalan (သားဆက်ခြားထိုးဆေး) – အန်ဒလမ် တစ်ခါထိုးလျှင် ကိုယ်ဝန်မရဖို့ ၃လ (၁၃)ပတ်ကြာ တားဆီးပေးပါတယ်။
Lydia Rosa – လေဒီယာ ရိုစာကို ကိုယ်ဝန်တားဖို့နဲ့ ရာသီလာစဉ် ကိုက်ခဲခြင်း ဝေဒနာတို့ အတွက် သုံးစွဲနိုင်ပါတယ်။ တစ်ကဒ်မှာ ဆေး၂၈လုံးပါရှိပြီး ဆေးပတ်လည်အောင် သောက်သုံးတယ်ဆိုရင် ၉၉% ထိ ကာကွယ်နိုင်ပါတယ်။
Lydia Clair – လေဒီယာ ကလဲရာဆေးကို ကိုယ်ဝန်တားဖို့၊ ရာသီပုံမှန်လာဖို့နဲ့ ရာသီသွေး အဆင်းများတာတို့ အတွက် သောက်သုံးနိုင်ပါတယ်။ တစ်ကဒ်မှာ ဆေး၂၁လုံးပါရှိပြီး တိတိကျကျ သုံးစွဲလျှင် ၉၉% အာနိသင်ရှိပါတယ်။

(၃) ရေရှည် ကိုယ်ဝန်တားနည်း
IUD (သားအိမ်တွင်းထည့် သားဆက်ခြား ကိရိယာ) – Lydia IUD တွေကို Copper T၊ Copper Y နဲ့ Sleek ဆိုပြီး (၃)မျိုး ခွဲခြား ထုတ်လုပ်ထားပါတယ်။ Copper T ရဲ့ ကိုယ်ဝန်တား အာနိသင်သက်တမ်းမှာ (၁၀)နှစ်ဖြစ်ပြီး Copper Yနဲ့ Sleek တို့က (၅)နှစ် သက်တမ်းရှိကြပါတယ်။
Implanex (လက်မောင်းတွင်းထည့် သားဆက်ခြား ကိရိယာ) – Implanex သားဆက်ခြားနည်းကို အသုံးပြုရင် ၃နှစ်ကနေ ၅နှစ်ထိ သန္ဓေတားပေးပါတယ်။ ဒီတားနည်းတွေကိုတော့ နီးစပ်ရာဆေးခန်းမှာ ဆရာဝန်နဲ့ ဆွေးနွေးတိုင်ပင်ပြီးမှသာ ထည့်သွင်းအသုံးပြုရမှာ ဖြစ်ပါတယ်။ သန္ဓေတားနည်းအကြောင်း အပြည့်အစုံကို ဒီလင့်ခ် – https://bit.ly/2URntbX မှာ ဆက်လက်လေ့လာဖို့ ဖိတ်ခေါ်ပါတယ်။

Facebook Comments
Public Comments

Sex topics

searchဆက်လက်ရှာဖွေမည်

မေးခွန်းမေးရန်

သာယာမှုအထွတ်အထိပ် လိင်ဆက်ဆံခြင်းရဲ့ သော့ချက်တွေကဘာလဲ? သင့်ရဲ့စူးစမ်းရှာဖွေလိုမှုတွေကိုဖြေဆိုဖို့ ဒေါက်တာဒိနဲ့ ကျွန်မတို့အဖွဲ့က ဖြေဆိုဖို့ အသင့်ရှိပါတယ်

အမည်မဖော်ပဲမေးရန် ဖေ့ဘုတ်ပေ့ချ်တွင်မေးရန်

ထုတ်ကုန်များ

© ၂၀၁၈ ဒီကေတီ မှ မူပိုင်ခွင့်များရယူပြီးဖြစ်သည်။ သိလိုရာမေးသည် သတင်းအချက်အလက်နှင့် ပညာပေးစာမျက်နှာသက်သက်ဖြစ်ပြီး ဆေးဝါးနှင့်ကုသမှုဆိုင်ရာ ညွှန်းဆိုခြင်းများ မပြုပါ။